Visa Business Plus

1

<sup>Visa Business Plus վճարային քարտը տրամադրվում է նաև այն ՀՀ ռեզիդենտ իրավաբանական անձին, որի կանոնադրական կապիտալում գումարային 50 տոկոս և ավելի մասնակցություն ունեն՝

- օտարերկրյա քաղաքացիները, և/կամ

- ՀՀ ոչ ռեզիդենտ իրավաբանական անձինք, և/կամ

- ՀՀ ռեզիդենտ իրավաբանական անձը, որի կանոնադրական կապիտալում գումարային 50 տոկոս և ավելի մասնակցություն ունեն օտարերկրյա քաղաքացիներ կամ ՀՀ ոչ ռեզիդենտ իրավաբանական անձինք:

Visa Business Plus վճարային քարտը տրամադրվում է նաև՝

- օտարերկրյա քաղաքացի հանդիսացող ՀՀ-ում գրանցված Անհատ ձեռնարկատիրոջը,

- այն հաճախորդին, որի իրական շահառուն հանդիսանում է օտարերկրյա քաղաքացի։</sup>

2

^{Բանկը Վճարային քարտը տրամադրում և սպասարկում է Բանկում ՀՀ դրամ արժույթով ընթացիկ բանկային հաշիվ ունեցող հաճախորդների համար ։ Բանկային հաշվի բացման և սպասարկման պայմանները սահմանվում են համաձայն սակագների։}

Քարտի տեսակ

Կրեդիտային

Քարտի արժույթ

ՀՀ դրամ, ԱՄՆ դոլար, եվրո, ՌԴ ռուբլի

Քարտի թողարկում 2-5 բանկային օրվա ընթացքում*

10,000 ՀՀ դրամ

*Քարտի ակտիվացումը կատարվում է համաձայն Բանկի «Վճարային քարտերի սպասարկման» կանոնների (այսուհետ տեքստում՝ Կանոններ)՝ հետևյալ հղմամբ` Կանոններ։

Քարտի գործողության ժամկետ

5 տարի

Քարտի շտապ թողարկում մեկ բանկային օրվա ընթացքում

50,000 ՀՀ դրամ

*Քարտի շտապ տրամադրումն իրականացվում է միայն Բանկի Վարդանանց մասնաճյուղում: Հասցե․ ՀՀ, ք. Երևան, Վարդանանց 13, հեռախոսահանարներ` +37410 593333 , +37410 593311

Քարտային հաշվի բացում

Անվճար

Քարտային հաշվի սպասարկման տարեկան վճար*

50,000 ՀՀ դրամ

*Բանկի իրավասու մարմնի/անձի համաձայնությամբ կարող է չգանձվել քարտի առաջին տարվա համար սահմանված տարեկան սպասարկման վարձը: Քարտի սպասարկման տարեկան վճարը գանձվում է անակցեպտ կարգով հաճախորդի՝ բանկում գործող բոլոր հաշիվներից, որի համար հիմք է ընդունվում տվյալ օրվա համար ՀՀ ԿԲ կողմից սահմանված փոխարժեքը։ Ընդ որում, առաջին տարվա սպասարկման վճարը գանձվում է քարտի տրամադրման օրը։

Քարտային հաշվի չնվազող մնացորդ

Չի սահմանվում

Քարտային հաշվի դրական մնացորդին հաշվարկվող տոկոսադրույք

Տարեկան պարզ տոկոսադրույք-0%

Տարեկան տոկոսային եկամտաբերություն-0%

Կից քարտի տրամադրում

10,000 ՀՀ դրամ

Կցված քարտի սպասարկման տարեկան վճար

10,000 ՀՀ դրամ

Քարտի արգելափակում

Անվճար

Քարտի ապաարգելափակում

Անվճար

Քարտի վերաթողարկում` ժամկետը լրացած քարտերի դեպքում

Անվճար

PIN ծածկագրի վերականգնում

Անվճար

Քարտի կրկնօրինակի տրամադրում` վնասված, շահագործման ոչ ենթակա, կորցրած/գողացած քարտի կամ PIN կոդի դեպքում (քարտի գործողության նույն ժամանակահատվածով)

10,000 ՀՀ դրամ

Քարտի մուտքագրումը միջազգային STOP ցանկ (7 օրով մեկ տարածաշրջանում)

20,000 ՀՀ դրամ

Քարտի ելքագրումը միջազգային STOP ցանկից

Անվճար

Քարտային հաշվի քաղվածքի տրամադրում

Համաձայն «ՀՀ ռեզիդենտ Իրավաբանական անձանց և Անհատ ձեռնարկատերերի բանկային հաշիվների, փոխանցումների և «ԱյԴի Բանկ» ՓԲԸ կողմից մատուցվող այլ ծառայությունների» սակագների

SMS ծառայության միացում

Անվճար

Վճար յուրաքանչյուր SMS-ի համար*

20 ՀՀ դրամ

*SMS հաղորդագրությունն ուղարկվում է 5,000 ՀՀ դրամ / 10 ԱՄՆ դոլար/ 10եվրո/1,000 ռուբլի և ավել գումարով գործարքների դեպքում, Հաճախորդի հանձնարարականի/դիմումի/ առկայության դեպքում սահմանաչափը կարող է վերանայվել։

Քարտային հաշվի համալրում /կանխիկ դրամական միջոցների մուտքագրում հաշվին/

Համաձայն «ՀՀ ռեզիդենտ Իրավաբանական անձանց և Անհատ ձեռնարկատերերի բանկային հաշիվների, փոխանցումների և «ԱյԴի Բանկ» ՓԲԸ կողմից մատուցվող այլ ծառայությունների» սակագների

Միջնորդավճար՝ Բանկի բանկոմատներից կանխիկ գումարի տրամադրման համար

Դրամային քարտերի դեպքում՝ 2․5% ,

Արտարժույթային քարտերի դեպքում` 2․5%

Միջնորդավճար Բանկի կանխիկացման կետերից (POS տերմինալ) և Առանց քարտի օգտագործման քարտային հաշվից կանխիկ գումարի տրամադրման համար (Կանխիկ դրամական միջոցների տրամադրում/ելքագրում հաշվից)

Համաձայն «ՀՀ ռեզիդենտ Իրավաբանական անձանց և Անհատ ձեռնարկատերերի բանկային հաշիվների, փոխանցումների և «ԱյԴի Բանկ» ՓԲԸ կողմից մատուցվող այլ ծառայությունների» սակագների

Միջնորդավճար ArCa համակարգի այլ բանկերի բանկոմատներից և կանխիկացման կետերից (POS տերմինալ) կանխիկ գումարի տրամադրման համար

2․5%

Միջնորդավճար ArCa համակարգի անդամ չհանդիսացող և արտերկրի բանկերի բանկոմատներից և կանխիկացման կետերից (POS տերմինալ) կանխիկ գումարի տրամադրման համար

3․5%, նվազագույնը 5,000 ՀՀ դրամ

Միջնորդավճար Բանկոմատների, www.arca.am կայքի միջոցով Բանկի քարտից ArCa համակարգի անդամների քարտերին փոխանցումների դեպքում

2․5%

Քարտով կատարվող անկանխիկ վճարումներ առևտրի/սպասարկման կետերում` ներառյալ ինտերնետ/վիրտուալ միջավայրում

Անվճար

Կանխիկացման օրական սահմանաչափ

5,000,000 ՀՀ դրամ

10,000 ԱՄՆ դոլար

10,000 եվրո

600,000 ՌԴ ռուբլի

Կանխիկացման գործարքների օրական քանակ

10

Կանխիկացման օրական սահմանաչափի և/կամ գործարքների օրական քանակի վերանայում` 24 ժամով

Անվճար

Կանխիկացման օրական սահմանաչափի և/կամ գործարքների օրական քանակի վերանայում ` մշտական

5,000 ՀՀ դրամ

Քարտային հաշվի փակում և քարտի վերադարձ

Անվճար

Քարտի և ծածկագրի առաքման վճար*

5,000 ՀՀ դրամ-յուրաքանչյուր ուղարկվող ծրարի համար

*Քարտը և ծածկագիրը առաքվում են առանձին ծրարներով։ Բացի նշված սակագնից Հաճախորդի հաշիվներին պետք է առկա լինի նաև բավարար գումար առաքման ծառայության համար։

1

Վճարային քարտի ստացման դիմում-հայտ (օֆերտա)

2

Բանկային հաշվի բացման համար պահանջվող փաստաթղթեր՝ հղումով

3

Այն փաստաթղթերը, որոնցում պարունակվող տեղեկատվությունը Բանկը հնարավորություն ունի ստանալու իրեն հասանելի տեղեկատվական բազաներից, չեն պահանջվում Հաճախորդից (եթե առկա է Հաճախորդի (Անհատ ձեռնարկատերերի դեպքում) կամ Հաճախորդի իրավասու անձի համաձայնությունը այդ տեղեկատվությունը ստանալու և մշակելու վերաբերյալ)։

4

Բանկը, անհրաժեշտության դեպքում, կարող է Հաճախորդից պահանջել լրացուցիչ փաստաթղթեր և տեղեկություններ:

1

Երկքաղաքացիություն ունեցող Անհատ ձեռնարկատեր հաճախորդների, ինչպես նաև իրավաբանական անձ հաճախորդի՝ երկքաղաքացիություն ունեցող մասնակիցների դեպքում, Հաճախորդի նույնականացման համար հիմք է ընդունվում ՀՀ արդարադատության նախարարության իրավաբանական անձանց պետական ռեգիստրի գործակալությունից ստացված քաղվածքում գրանցված անհատ ձեռնարկատեր հաճախորդի, իսկ իրավաբանական անձ հաճախորդի դեպքում՝ վերջինիս մասնակիցների՝ անձը հաստատող փաստաթուղթը (եթե անձը գրանցված է օտարերկրյա անձնագրով, ապա անձը դիտարկվում է որպես օտարերկրյա քաղաքացի):

2

Սույն տեղեկատվական ամփոփագրով չսահմանված սակագները և պայմանները սահմանվում են ՀՀ ռեզիդենտ իրավաբանական անձանց և Անհատ ձեռնարկատերերի բանկային հաշիվների, փոխանցումների և «ԱյԴի Բանկ» ՓԲԸ կողմից մատուցվող այլ ծառայությունների սակագների տեղեկատվական ամփոփագրով և Բանկային հաշիվների բացման և սպասարկման կանոններով։

3

Քարտային հաշվի մնացորդի նկատմամբ հաշվարկված տոկոսները վճարվում են ամսական հաճախականությամբ:

4

Քարտային հաշվի գումարի նկատմամբ տոկոսները հաշվեգրվում են գումարը մուտքագրելու օրվանից մինչև այն հաճախորդին վերադարձնելու կամ հաճախորդի հաշվից այլ հիմքերով դուրս գրելու օրվան նախորդող օրն ընկած ժամանակահատվածի օրացուցային օրերի համար:

5

Այն միջնորդավճարները, որոնք ենթակա են ԱԱՀ-ով հարկման, ներառում են նաև ԱԱՀ-ն։

6

Ուշադրություն՝ Հաճախորդի հաշվում առկա միջոցների նկատմամբ տոկոսագումարները հաշվարկվում են անվանական տոկոսադրույքի հիման վրա։ Իսկ տարեկան տոկոսային եկամտաբերությունը ցույց է տալիս, թե որքան եկամուտ կստանա հաճախորդը՝ իր կողմից ավանդի հետ կապված պարտադիր վճարներ կատարելու և սահմանված պարբերականությամբ վաստակած տոկոսագումարները ստանալու արդյունքում։ Տարեկան տոկոսային եկամտաբերության հաշվարկման կարգը կարող եք գտնել հետևյալ հղմամբ՝ Տարեկան տոկոսային եկամտաբերության հաշվարկ։

7

Անհատ Ձեռնարկատեր հաճախորդների դեպքում Բանկի և հաճախորդի միջև ծագած վեճերը կարգավորվում են կողմերի միջև բանակցությունների միջոցով:

Կողմերի միջև ծագած վեճերը կարող են լուծվել ֆինանսական համակարգի հաշտարարի միջոցով («ֆինանսական համակարգի հաշտարարի մասին» ՀՀ օրենքով սահմանված կարգով), Հասցե` 0010 ք. Երևան, Մ. Խորենացու փող. 15, «Էլիտ Պլազա» բիզնես կենտրոն 7-րդ հարկ Էլ. փոստ՝ [email protected] Հեռախոս` (+37460) 70-11-11 Ֆաքս` (+37410) 58-24-21:

8

Բանկը համաձայն «Փողերի լվացման և ահաբեկչության ֆինանսավորման դեմ պայքարի քաղաքականության հաճախորդի պատշաճ ուսումնասիրության նպատակով կարող է «Ճանաչիր քո հաճախորդին» սկզբունքի հիման վրա պահանջել լրացուցիչ փաստաթղթեր կամ տեղեկություններ։

9

Օտարերկրյա հաշիվների հարկային համապատասխանության ակտի (FATCA) հիման վրա ԱՄՆ-ի հետ կնքած համաձայնագրի համաձայն հաճախորդի ԱՄՆ հարկատու հանդիսանալու հանգամանքը պարզելու համար, ինչպես նաև՝ ՀՀ հարկային օրենսգրքի համաձայն Տնտեսական համագործակցության և զարգացման կազմակերպության (ՏՀԶԿ) Միասնական հաշվետվողական ստանդարտով նախատեսված կարգով օտարերկրյա հարկային ռեզիդենտ հանդիսացող հաճախորդի վերաբերյալ տեղեկատվությունը ՀՀ Կառավարությանն առընթեր Պետական եկամուտների կոմիտե տրամադրելու համար Բանկը կարող է լրացուցիչ տեղեկություններ հավաքագրել։

10

SMS հաղորդագրության և էլեկտրոնային հասցեի ակտիվացման համար անհրաժեշտ է այցելել (անձը հաստատող փաստաթղթով) Բանկի ցանկացած մասնաճյուղ և լրացնել համապատասխան դիմումը:

11

Անհրաժեշտության դեպքում Քարտը կարող է առաքվել ՀՀ տարածքում կամ ՀՀ տարածքից դուրս Հաճախորդի նախընտրելի հասցեով։ Ընդ որում Բանկը իրավասու է Հաճախորդի Բանկում գործող բոլոր հաշիվներից անակցեպտ կարգով գանձել առաքման ծառայության վճարները։

12

Բանկի և հաշվետիրոջ միջև վարկային պարտավորությունների առկայության դեպքում քարտային հաշվից դրամական միջոցները անակցեպտ գանձվում են վարկային պայմանագրով նախատեսված կարգով։

13

Հաճախորդը իրավունք ունի Բանկի հետ հաղորդակցվել իր նախընտրած տարբերակով՝ էլ. փոստ կամ փոստային կապ։ Էլեկտրոնային եղանակով տեղեկատվության ստացումը ամենահարմարավետն է։ Այն հասանելի է 24/7 ռեժիմով, զերծ է թղթային տեղեկատվության կորստի ռիսկերից և ապահովում է գաղտնիություն։

14

Հաշվի քաղվածքը ստանալուց 15-օրյա ժամկետում հաշվի հետ կապված գործառնություններում անճշտություններ հայտնաբերելու դեպքում հաճախորդը Բանկին կարող է ներկայացնել բողոքարկում: Նշված ժամանակահատվածում բողոքարկումները չստանալու դեպքում Բանկը քաղվածքը համարում է ընդունված: Բողոքարկումը ներկայացվում է Բանկին գրավոր դիմումի տեսքով: Սահմանված ժամկետում ստացված բողոքարկման դիմումը Բանկն ընդունում է կատարման` իրականացնելով տեղական և միջազգային վճարային համակարգի կանոններով սահմանված համապատասխան գործողությունները:

15

Քարտի կորստի դեպքում հաճախորդը պետք է հնարավորինս սեղմ ժամկետում հեռախոսակապի միջոցով կամ այլ հնարավոր եղանակով տեղյակ պահի.

- «ԱրմենիանՔարդ» ՓԲԸ պրոցեսինգային կենտրոնին (010) 592222 շուրջօրյա հեռախոսահամարով կամ

- Զանգահարի Բանկի Հեռախոսազանգերի կենտրոն (010) 59 33 11, (010) 59 33 33 շուրջօրյա հեռախոսահամարով կամ

- Անձը հաստատող փաստաթղթով այցելի Բանկի ցանկացած մասնաճյուղ

Հաճախորդի կողմից քարտի կորստի մասին հեռախոսակապի միջոցով հայտնելու պահին քարտով գործարքների իրականացումը անմիջապես կկասեցվի:

Բանկը պատասխանատվություն չի կրում Քարտապանին հասցրած այն վնասի համար, որը կատարվել է քարտը կորցնելու և Բանկ հայտնելու միջև ընկած ժամանակահատվածում: Քարտի գործողության կասեցումից հետո հաճախորդը պետք է այցելի Բանկ և ներկայացնի քարտի կորստի մասին գրավոր դիմում, որի հիման վրա Բանկը հաճախորդին 2-5 բանկային օրվա ընթացքում կտրամադրի նոր քարտ: Մանրամասն տես Բանկի «Վճարային քարտերի սպասարկման կանոններում»՝ հետևյալ հղմամբ՝ Կանոններ

16

Այլ բանկերի բանկոմատներից և POS տերմինալներից գումարի կանխիկացման ժամանակ սպասարկող բանկի կողմից կարող են կիրառվել հավելյալ միջնորդավճարներ:

17

Այլ բանկերի բանկոմատներից քարտից քարտ կատարվող փոխանցումների ժամանակ սպասարկող բանկի կողմից կարող է գանձվել հավելյալ միջնորդավճար:

18

Բանկի մասնաճյուղերի և բանկոմատների ցանկին, վերջիններիս գործունեության հասցեներին և աշխատանքային ժամերին կարող եք ծանոթանալ հետևյալ հղմամբ՝ Մասնաճյուղեր և Բանկոմատներ։

19

Բանկի կողմից հեռավար սպասարկումն իրականացվում է IDBusiness Mobile հավելվածի և Բանկ հաճախորդ (IDBusiness Online - https://online.idbank.am/) առցանց համակարգի միջոցով: Բանկի հեռավար սպասարկման ծառայությունների մատուցման կարգն ու պայմանները ներկայացված են «Հեռավար բանկային ծառայությունների մատուցման հրապարակային պայմաններում»։

20

Քարտի օգտագործման, պահպանման, փակման, վերաթողարկման, անվտանգության ապահովման, քարտով գործարքների բողոքարկման վերաբերյալ այլ դրույթները, որոնք սահմանված չեն սույն տեղեկատվական ամփոփագրում, սահմանված են Կանոններով Բանկի կողմից վճարային քարտի թողարկման, տրամադրման և սպասարկման հետ կապված Բանկի և Քարտապանիմիջև կնքվող պայմանագրով, ներքին իրավական ակտերով, և վճարահաշվարկային համակարգերի (ԱրՔա, Visa) կանոններով:

21

Բանկը պարտավոր է հաճախորդի հետ պայմանագիր կնքելիս վերջինիս տրամադրել Կանոնները։

22

Հաճախորդը չպետք է ներառված լինի Բանկի անցանկալի հաճախորդների ցանկում: Բանկի անցանկալի հաճախորդ դասակարգելու վերաբերյալ իրավահարաբերությունները կարգավորվում են «Բանկի կողմից հաճախորդին անցանկալի դասակարգելու չափանիշները սահմանելու և նրանց հետ հարաբերությունների կառավարման վերաբերյալ» Կանոններով

23

ԱՁ-ի դեպքում քարտային հաշվում առկա միջոցների վերադարձելիությունը երաշխավորվում է «Ֆիզիկական անձանց բանկային ավանդների հատուցումը երաշխավորելու մասին» ՀՀ օրենքի համաձայն:

«ԱյԴի Բանկ» ՓԲԸ ֆիզիկական անձանց բանկային ավանդների հատուցումը երաշխավորված է «Ավանդների հատուցումը երաշխավորող հիմնադրամի» կողմից` հատուցման ենթակա ավանդների չափերով, մասնավորապես`

Ավանդի արժութային կառուցվածքը/Ավանդի երաշխավորման առավելագույն չափը

Եթե նույն բանկում ունեք միայն դրամային ավանդ՝16 միլիոն ՀՀ դրամ

Եթե նույն բանկում ունեք միայն արտարժութային ավանդ՝ 7 միլիոն ՀՀ դրամ

Եթե նույն բանկում ունեք և ՀՀ դրամով, և արտարժույթով ավանդ՝

Եթե դրամային ավանդը 7 միլիոն դրամից ավել է՝ 16 միլիոն ՀՀ դրամ (երաշխավորվում է միայն դրամային ավանդը)

Եթե դրամային ավանդը 7 միլիոն դրամից պակաս է՝7միլիոն ՀՀ դրամ (երաշխավորվում է դրամային ավանդն ամբողջությամբ և արտարժութային ավանդը` 7 միլիոն դրամի և հատուցման ենթակա դրամային ավանդի տարբերության չափով)

1․ Քարտապանն իր Քարտով կարող է իրականացնել կանխիկ ելք և/կամ մուտք, անկանխիկ վճարումներ (այդ թվում՝ Քարտից քարտ փոխանցում)՝ նման հնարավորություն ունեցող սարքավորումների միջոցով (ավտոմատ գանձման մեքենա, POS տերմինալ և այլն), Բանկի մասնաճյուղերում, եթե այլ սահմանափակումներ նախատեսված չեն Բանկի կողմից տվյալ քարտատեսակի համար սահմանված պայմաններով, սակագներով և/կամ պայմանագրերով: Անկանխիկ վճարումներ կարելի է նաև իրականացնել բանկերի հեռավար համակարգերի միջոցով, առևտրի/սպասարկման կետերում՝ ներառյալ առցանց միջավայրում: Ավտոմատ գանձման մեքենաներով հնարավոր է նաև օգտվել այլ ծառայություններից, ինչպիսիք են՝ PIN ծածկագրի փոփոխությունը, կենսաթոշակային քաղվածքի դիտումը և այլն:

2․ Բանկի մասնաճյուղերում Քարտին կանխիկ մուտքագրված գումարը, Բանկի որևէ հաշվից Քարտին փոխանցումը, ինչպես նաև ավտոմատ գանձման մեքենայի միջոցով կատարված կանխիկի մուտքագրումը (Cash In), Քարտից Քարտ փոխանցումը Քարտային հաշվին հասանելի է դառնում առավելագույնը 5 (հինգ) րոպեի ընթացքում (տեխնիկական կամ ծրագրային խնդիրների բացակայության դեպքում):

3․ Քարտով կատարված գործարքի գումարը Քարտից ելքագրվում կամ մուտքագրվում է անմիջապես, իսկ Քարտային հաշվում արտացոլվում է որպես կանոն ԱրՔա համակարգում կատարված գործարքների դեպքում հաջորդ աշխատանքային օրը, իսկ ԱրՔա համակարգից դուրս կատարված գործարքների դեպքում՝ 3 աշխատանքային օրվա ընթացքում (ԱրՔա պրոցեսինգային կենտրոնում և/կամ Visa, MasterCard վճարային համակարգերում տեխնիկական կամ ծրագրային խնդիրների բացակայության դեպքում):

4․ ՀՀ բանկերի ավտոմատ գանձման մեքենաների միջոցով կանխիկ գումարի ելքագրման մեկ գործարքի գումարը չի կարող գերազանցել 500,000 (հինգ հարյուր հազար) ՀՀ դրամը:

1․ PIN ծածկագիրը ստեղծվում է Քարտապանի կողմից ՀՀ տարածքում գործող Բանկերի ցանկացած ավտոմատ գանձման մեքենայում կամ նման հնարավորություն ունեցող այլ բանկի ավտոմատ գանձման մեքենայում Քարտը տեղադրելու միջոցով, որի համար Բանկում պարտադիր պետք է ճիշտ լրացված լինի հաճախորդի բջջային հեռախոսահամարը և ակտիվ լինի SMS-հաղորդագրությունների ստացման ծառայությունը, որից հետո սեղմում է «Քարտի ակտիվացում» կոճակը և Քարտին կցված հեռախոսահամարին ստանում է մեկանգամյա մուտքագրման կոդ։ Ստացված կոդը մուտքագրելուց հետո Քարտապանից պահանջվում է ստեղծել քառանիշ PIN ծածկագիր, որի համար Քարտապանը պետք է 2 անգամ մուտքագրի նույն քառանիշ PIN ծածկագիրը։

2․ Առանձին դեպքերում Բանկի կողմից հնարավոր է Քարտի հետ միասին տրամադրվել PIN ծածկագիր։ Բանկի կողմից Քարտապանին հնարավոր է Քարտի հետ միասին տրամադրել PIN ծածկագիրը պարունակող փակ ծրար (Քարտը և PIN ծածկագիրը տրամադրվում են առանձին ծրարներով)․ այս դեպքում Քարտն ակտիվացվում է Բանկի կողմից՝ Քարտը և PIN ծածկագիրը Քարտապանի կողմից ստանալուց հետո։

3․ Քարտապանը կարող է իր հայեցողությամբ փոխել PIN ծածկագիրը` համապատասխան հնարավորությամբ ՀՀ տարածքում գործող ավտոմատ գանձման մեքենայի միջոցով: PIN ծածկագրի փոփոխման համար անհրաժեշտ է մուտքագրել նախ գործող և ապա նոր PIN ծածկագրերը:

4․ PIN ծածկագիրը մոռանալու դեպքում Քարտապանը դիմում է Բանկին և ներկայացնում դիմում (Բանկում հաստատված ձևանմուշի)՝ կատարելով համապատասխան վճարում համաձայն Բանկի սակագների:

5․ ՀՀ տարածքում մինչև 20,000 ՀՀ դրամ գումարի չափով անհպում վճարում իրականացնելիս PIN ծածկագրի մուտքագրում կարող է չպահանջվել, իսկ ՀՀ-ից դուրս յուրաքանչյուր երկրի համար Վճարային համակարգերի կարող է սահմանվել առանձին սահմանաչափ, բացառությամբ այն դեպքերի, երբ քարտով վճարում իրականացնելու համար նախատեսված սարքը չունի PIN ծածկագիր մուտքագրելու տեխնիկական հնարավորություն։

6․ Չի թույլատրվում Քարտը և PIN ծածկագիրը պահպանել միասին: Արգելվում է որևէ տեղ գրանցել և միասին պահպանել քարտի համարը, և/կամ CVV կոդը և/կամ քարտի վավերականության ժամկետը։

1. Քարտի կորստի, գողանալու, այլ անձանց քարտային տվյալները հասանելի դառնալու դեպքում անհապաղ տեղեկացնել Բանկին` կանոններում նշված եղանակներով,

2. կատարել Քարտի և Քարտային հաշվի սպասարկման հետ կապված տվյալ քարտատեսակի համար Բանկում գործող սակագներով սահմանված վճարները,

3.Visa/MasterCard/ArCa քարտերի լոգոները չօգտագործել այլ նպատակների համար,

4. Անվերապահորեն հետևել կանոններով սահմանված Քարտով իրականացվող գործարքների անվտանգության կանոններին։

1. պատշաճ կերպով ապահովել Քարտի սպասարկումը` համաձայն տեղական և միջազգային վճարահաշվարկային համակարգերի կողմից ընդունված կանոնների և պայմանագրի,

2. Քարտապանին տրամադրել քաղվածք` նրա նախընտրած եղանակով, սույն կանոնների համաձայն,

3. Վճարել տոկոսներ՝ Քարտապանի Քարտային հաշվին մուտքագրված դրական մնացորդի նկատմամբ Բանկում տվյալ Քարտի համար գործող սակագների համաձայն,

4. Քարտի կորստի, գողության, զեղծարարության վերաբերյալ Քարտապանից և/կամ վճարային համակարգերից ծանուցում ստանալուն պես՝ կատարել Քարտ գործունակության կասեցում, եթե մինչ այդ քարտը չի արգելափակվել հաճախորդի կողմից:

1)Բանկն իրավունք ունի իր հայեցողությամբ կասեցնել Քարտով գործարքների իրականացումը (Քարտի արգելափակում), եթե՝

- Բանկն ունի տեղեկատվություն կամ կասկածներ Քարտով կատարված գործարք(ներ)ի հնարավոր զեղծարար լինելու վերաբերյալ,

- Հաճախորդի կողմից խախտվել են փողերի լվացման և ահաբեկչության ֆինանսավորման դեմ պայքարի նպատակով սահմանված սահմանափակումները՝ համաձայն Բանկի պաշտոնական կայքում հրապարակված Փողերի լվացման և ահաբեկչության ֆինանսավորման դեմ պայքարի քաղաքականության կամ ՀՀ օրենսդրության,

- Հաճախորդի կողմից կամ օգտին իրականացվող գործարքներում /ներառյալ ստացվող փոխանցումներ/ օգտագործվել են Հաճախորդի կողմից Բանկին տրամադրված տվյալներից ու տեղեկատվությունից տարբերվող տվյալներ ու տեղեկատվություն

- Քարտապանն ունի Բանկի նկատմամբ չմարված պարտավորություններ։

2․ Քարտը կարող է արգելափակվել/արգելաբացվել հաճախորդի նախաձեռնությամբ՝ Բանկի Կոնտակտային կենտրոն զանգահարելու, ինչպես նաև Բանկի ցանկացած մասնաճյուղ այցելելու միջոցով։

3․ Քարտապանի կողմից Բանկին դիմելու միջոցով Քարտի արգելաբացումն իրականացվում է դիմումը ստանալուց հետո նույն աշխատանքային օրվա ընթացքում, իսկ եթե դիմումը Քարտապանի կողմից ներկայացվում է ոչ աշխատանքային ժամին, ապա՝ հաջորդ աշխատանքային օրվա ընթացքում

4․ Բանկի նախաձեռնությամբ արգելափակված Քարտը Բանկի կողմից արգելաբացվում է, երբ վերանում է Քարտը արգելափակելու հիմքը, այն վերանալուց հետո նույն աշխատանքային օրվա ընթացքում: Բանկի կողմից Քարտը կարող է չարգելաբացել, եթե արգելաբացման գծով առկա է Բանկի մերժման հիմնավորում։

5․ Քարտի արգելափակման դեպքում չի դադարում Քարտի հետ կապված միջնորդավճարների հաշվարկը և գանձումը:

6․ Անմիջականորեն Քարտով կամ դրա վավերապայմանների կիրառմամբ իրականացված գործարքների վերաբերյալ առարկություններ ունենալու դեպքում Քարտապանը կարող է սահմանված կարգով Բանկում լրացնել գործարքի բողոքարկման դիմում, եթե խնդիրն անմիջապես առևտրի/սպասարկման կետի հետ լուծելու բոլոր հնարավոր միջոցները սպառված են:

1․ Մինչ զեղծարարության արդյունքում կատարված գործարքների, ինչպես նաև ավտոմատ գանձման մեքենայից կատարված կանխիկացումների դիմաց բողոքարկման դիմում ներկայացնելը հաճախորդի կողմից առևտրի/սպասարկման կետին կամ ավտոմատ գանձման մեքենան սպասարկող բանկին դիմելու անհրաժեշտություն առկա չէ։

2․ Քարտով կատարված գործարքը որպես զեղծարար հնարավոր է բողոքարկել գործարքի կատարման ամսաթվից հետո 120 օրացուցային օրվա ընթացքում։

3․ Մինչ գործարքը որպես զեղծարար բողոքարկելը քարտը ենթակա է բլոկավորման, որից հետո այն արգելաբացման ենթակա չի լինի, քանի որ հետագայում քարտով կրկին որևէ զեղծարար գործարք կատարվելու դեպքում այն այլևս հնարավոր չի լինի բողոքարկել։

4․ Քարտով կատարված գործարքի բողոքարկման դիմումը կարող է ներկայացվել ոչ ուշ, քան գործարքի կատարման ամսաթվից 120 (մեկ հարյուր քսան) օրացուցային օրվա ընթացքում, բացառությամբ այն դեպքերի, երբ ծառայությունը պետք է մատուցվի գործարքի կատարման օրվանից ավելի ուշ։ Այդ դեպքում գործարքը հնարավոր է բողոքարկել ծառայության մատուցման ակնկալվող ամսաթվից հետո 120 (մեկ հարյուր քսան) օրացուցային օրվա ընթացքում, որը չպետք է գերազանցի գործարքի կատարման օրվանից 540 (հինգ հարյուր քառասուն) օրացուցային օրը: Դիմումի հետ անհրաժեշտ է ներկայացնել բողոքարկվող գործարքի հետ կապված բոլոր փաստաթղթերը, առևտրի/սպասարկմանկետի հետ ունեցած նամակագրության կրկնօրինակը, ինչպես նաև անհրաժեշտության դեպքում այլ տեղեկություններ կամ փաստաթղթեր:

5․ Քարտապանի կողմից ներկայացված բողոքարկման դիմումի վերջնական արդյունքի վերաբերյալ տեղեկատվությունը Քարտապանին տրամադրում է ԱրՔա, Visa, MasterCard վճարահաշվարկային համակարգերի կողմից բողոքարկման գործընթացների համար սահմանված ժամկետներում, եթե գործարքը կատարվել է Բանկի առևտրի/սպասարկման կետում, ապա դիմումի ստացման օրվանից 10 (տասը)աշխատանքային օրվա ընթացքում, իսկ Բանկի ավտոմատ գանձվող մեքենայով կատարված գործարքի դեպքում՝ 5 աշխատանքային օրվա ընթացքում:

6․ ՀՀ տարածքում կատարված մինչև 20,000 ՀՀ դրամ, իսկ ՀՀ տարածքից դուրս անկախ գումարի չափից անհպում և առանց PIN ծածկագրի մուտքագրման գործարքները Քարտապանի կողմից կատարված չլինելու դեպքում դրանք ենթակա չեն բողոքարկման (օրինակ՝ կորցրած կամ գողացված Քարտերի դեպքում)։

1․ Քարտի կորստի, գողության, զեղծարարության (կամ կասկածի) դեպքում Քարտապանը պարտավոր է անմիջապես այդ մասին տեղեկացնել Բանկին ՝ կապ հաստատելով Բանկի (+374 10) 593333, (+374 60) 273333, (+374 12) 333333 շուրջօրյա հեռախոսահամարներով, այցելելով Բանկի ցանկացած մասնաճյուղ՝ Բանկի աշխատանքային ժամերին։ Քարտապանից ստացված տեղեկատվության հիման վրա Բանկը արգելափակում է Քարտը:

1․ Ավտոմատ գանձման մեքենայում առգրավված Քարտը ստանալու համար անհրաժեշտ է դիմել Բանկ: Բանկի ավտոմատ գանձման մեքենայում առգրավված Քարտը վերադարձվում է Քարտապանին Քարտի առգրավման օրվանից 3 (երեք) աշխատանքային օրվա ընթացքում, եթե ավտոմատ գանձման մեքենան գտնվում է Երևան քաղաքում կամ ՀՀ այն քաղաքում կամ վայրում, որտեղ Բանկն ունի մասնաճյուղ և միաժամանակ Քարտապանը ցանկանում է Քարտը ստանալ նույն քաղաքում, 5 (հինգ) աշխատանքային օրվա ընթացքում, եթե ավտոմատ գանձման մեքենան գտնվում է ՀՀ այն քաղաքում կամ վայրում, որտեղ Բանկն ունի մասնաճյուղ, սակայն Քարտապանը ցանկանում է Քարտը ստանալ Երևան քաղաքի որևէ մասնաճյուղից, 10 (տասը) աշխատանքային օրվա ընթացքում, եթե ավտոմատ գանձման մեքենան գտնվում է ՀՀ այն քաղաքում կամ վայրում, որտեղ Բանկը չունի մասնաճյուղ: ՀՀ այլ բանկերի ավտոմատ գանձման մեքենաներում Քարտի առգրավման դեպքում Քարտը կարող է տրամադրվել Քարտապանին Բանկի կողմից այն ստանալու օրը կամ դրան հաջորդող այլ աշխատանքային օր: Առգրավված Քարտը 30 օրվա ընթացքում չստանալու դեպքում ենթակա է ոչնչացման։ Սույն կետը չի վերաբերում Վիրտուալ քարտերին։

2․ Առգրավված Քարտի ոչնչացումը չի ազատում Քարտապանին Բանկի նկատմամբ ունեցած Քարտին/քարտային հաշվին առնչվող պարտավորություններից, քանի որ Քարտը շարունակում է մնալ Քարտապանի համար հասանելի առցանց տիրույթում օգտագործման համար՝ մինչ Քարտապանի կողմից տվյալ Քարտի փակման վերաբերյալ Բանկ դիմում ներկայացնելը։

1․ Ընթացիկ ամսվա ընթացքում ժամկետը լրացող Քարտերը ենթակա են վերաթողարկման, եթե նախորդող ամսվա վերջին օրվա դրությամբ առկա է հետևյալ դեպքերից որևէ մեկը․

- Քարտեր, որոնց միջոցով Քարտապանը վերջին 3 ամսվա ընթացքում (Իրավաբանական անձանց կամ Անհատ ձեռնարկատերերի քարտերի դեպքում 6 ամսվա ընթացքում) կատարել է մեկ կամ ավել Գործարք և վերաթողարկման պահին առկա չէ դեբիտորական պարտավորություն Քարտի սպասարկման վճարի կամ այլ վճարների գծով։

- Քարտի դրական մնացորդը մեծ կամ հավասար է Քարտի հերթական վճարման ենթակա սպասարկման վճարի ամբողջական գանձման համար, սակայն ոչ պակաս, քան 10 000 ՀՀ դրամը։ Եթե Քարտը չունի սպասարկման վճար, ապա վերաթողարկման ենթակա են 10 000 ՀՀ դրամ և ավել մնացորդ ունեցող Քարտերը։

- Վարկային գծով Քարտեր, որոնց մայր գումարի և/կամ տոկոսագումարի գծով ժամկետանց օրերի քանակը չի գերազանցում 90 օրը։

- Քարտեր, որոնք փոխկապակցված են այլ գործող պրոդուկտների հետ և վերաթողարկման օրվա դրությամբ առկա է տվյալ պրոդուկտի գծով Բանկի սակագներով սահմանված նվազագույն պայմանները։

2․ Քարտերի վերաթողարկումը կատարվում է հետևյալ կարգով․

- Այն Քարտերը, որոնց տրամադրումը պայմանավորված է Բանկում որևէ փաթեթի, պրոդուկտի կամ ծառայության առկայությամբ, ապա վերջիններս ենթակա են վերաթողարկման համապատասխան պայմանների բավարարման դեպքում։ Հակառակ դեպքում Քարտերը ենթակա են վերաթողարկման տվյալ քարտատեսակի համար Բանկի սակագներով սահմանված պայմաններով։

- Եթե Բանկում վերաթողարկման ենթակա քարտատեսակը այլևս չի թողարկվում, ապա Բանկի կողմից Քարտը ենթակա չէ ավտոմատ կերպով վերաթողարկման։ Վերաթողարկման ցանկության դեպքում Քարտապանը զանգահարում կամ մոտենում է Բանկ՝ նոր Քարտի պատվիրման կամ այլ քարտատեսակով վերաթողարկման համար։

- Կից քարտերի Վերաթողարկման ցանկության դեպքում Հիմնական քարտապանը զանգահարում կամ մոտենում է Բանկ Կից քարտի վերաթողարկման համար՝ մինչև Քարտի ժամկետի ավարտը։

3․ Նախքան Քարտի գործողության ժամկետի ավարտը Բանկը՝ Քարտապանի Բանկում գրանցված բջջային հեռախոսահամարին կամ էլեկտրոնային փոստի հասցեին տեղեկացնում է Քարտի ժամկետի ավարտի և համապատասխան գործողության իրականացման վերաբերյալ։

1․ Քարտապանը չպետք է փոխանցի Քարտը, հայտնի PIN ծածկագիրը, CVV/CVC կոդը, 3D Secure անվտանգության մեկանգամյա կոդը, գաղտնաբառն այլ անձանց: Քարտապանը պարտավոր է ձեռնարկել միջոցներ, որպեսզի Քարտը, PIN ծածկագիրը, գաղտնաբառը, Քարտի վրա նշված տեղեկատվությունը տեսանելի կամ այլ կերպ հասանելի չլինեն այլ անձանց: Նշված բոլոր տվյալների օգտագործման հետ կապված ամբողջ ռիսկը կրում է Քարտապանը:

2․ Քարտապանի կողմից պետք է ստորագրված լինի Քարտի հակառակ կողմի վրա ստորագրության համար նախատեսված հատուկ դաշտը: Ստորագրության բացակայությունը կամ դրա անհամապատասխանությունը կարող է հիմք հանդիսանալ Քարտի սպասարկումը մերժելու և այն առգրավելու համար: Սույն կետը չի վերաբերում Վիրտուալ և այն քարտերին, որոնք չունեն ստորագրման դաշտ։

3․ Չի թույլատրվում Քարտը և PIN ծածկագիրը պահպանել միասին: Արգելվում է որևէ տեղ գրանցել և միասին պահպանել քարտի համարը, և/կամ CVV կոդը և/կամ քարտի վավերականության ժամկետը։

Առցանց միջավայրում (վիրտուալ առևտրի կետերում) Քարտով գործարքների իրականացման ժամանակ PIN ծածկագրի մուտքագրում կամ հայտնում չի պահանջվում։ Նման դեպքում անհրաժեշտ է անմիջապես դադարեցնել գործարքը, տեղեկացնել Բանկին և արգելափակել Քարտը:

5․ Քարտի ապօրինի օգտագործման կամ ապօրինի օգտագործման վտանգի մասին տեղեկություններ, կասկած ունենալու դեպքում Քարտապանը պարտավոր է այդ մասին անհապաղ տեղեկացնել Բանկին և արգելափակել Քարտը։

6․ Քարտը օգտագործելիս PIN ծածկագիրն անհրաժեշտ է մուտքագրել այնպես, որ տեսանելի չլինի այլ անձանց և չտեսագրվի որևէ սարքի միջոցով: Սույն կետը չի վերաբերում Վիրտուալ քարտերին։

7․Քարտապանը պետք է առավել ուշադիր լինի այն գործարքների մասով, որոնք իրականացվում են ժամանցի և նմանատիպ այլ վայրերում: Խորհուրդ է տրվում Քարտը չվստահել այլ անձանց և թույլ չտալ Քարտի օգտագործումը Քարտապանի տեսադաշտից դուրս:

8․ Քարտապանը պետք է ուշադիր լինի, որպեսզի Քարտը չընթերցվի գործարքի իրականացման համար նախատեսված սարքերից բացի որևէ այլ սարքավորման օգնությամբ: Սույն կետը չի վերաբերում Վիրտուալ քարտերին։

9. Խորհուրդ չի տրվում օգտվել այն ԱԳՄ-ներից, առևտրի/սպասարկման կետերից և սարքավորումներից, որոնք Քարտապանի կարծիքով վստահելի չեն կամ կասկած են առաջացնում, ինչպես նաև, եթե դրանց Քարտ ընթերցող սարքին, ստեղնաշարին կամ կանխիկի տրամադրման պատուհանին ամրացված են լրացուցիչ սարքավորումներ, հաղորդալարեր, կպչուն ժապավեններ և այլ կասկածելի իրեր։

10. Վիրտուալ միջավայրում Քարտով գործարք կատարելիս Քարտապանը պետք է նախապատվություն տա ապահով վճարում նախատեսող կայքերին (Secure payments):

11․ Վիրտուալ միջավայրում քարտի օգտագործման անվտանգությունը բարձրացնելու նպատակով անհրաժեշտ է ուշադրություն դարձնել վճարային համակարգերի կողմից հաստատված տարբերանշաններին (Visa-ի դեպքում “Verified by Visa”, MasterCard-ի դեպքում “MasterCard Secure Code”, ԱրՔա-ի դեպքում “ArCa SecurePay”»): Նշված տարբերանշանները կրող կայքերում գործարքներ կատարելու համար Քարտապանը պետք է մուտքագրի Բանկի կողմից յուրաքանչյուր անգամ գործարք կատարելիս տրամադրվող մեկանգամյա գաղտնաբառը, որը ստանում է Բանկին նախապես տրամադրված բջջային հեռախոսահամարին ուղարկվող SMS հաղորդագրության կամ էլեկտրոնային փոստին ուղարկվող նամակի միջոցով: Տեխնիկական կամ Բանկի գործունեությամբ չպայմանավորված որևէ պատճառով SMS հաղորդագրություն կամ էլեկտրոնային նամակ չստանալու և դրա արդյունքում գործարքը խափանվելու դեպքում Բանկը որևէ պատասխանատվություն չի կրում:

12․ Ստացված ծածկագիրը մուտքագրելիս անհրաժեշտ է ուշադրություն դարձնել մուտքագրման էջի հասցեին։ Այլ հասցեով էջ նշված ծածկագիրը մուտքագրելն արգելվում է։

13․ Ինտերնետային առևտուր իրականացնելիս խորհուրդ է տրվում վճարումները իրականացնել միայն անձնական համակարգչով կամ հեռախոսով՝ քարտային տվյալների գաղտնիությունը պահպանելու նպատակով։

14. Ինտերնետային խանութներում վճարում կատարելիս ցանկալի է օգտվել միայն այն կայքերից, որոնց հասցեն սկսվում է “https” -ով՝ “http”-ի փոխարեն։

15. Քարտապանը պարտավոր է համոզվել, որ մուտք է գործել ճիշտ հասցեով կայք, քանի որ կարող են ստեղծվել նմանատիպ հասցեներով կեղծ կայքեր։ Անծանոթ կայքից օգտվելու դեպքում անհրաժեշտ է նախօրոք ուսումնասիրել կայքի վերաբերյալ կարծիքները համացանցում, համոզվել, որ կայքն ունի ապրանքների/ծառայությունների մատուցման, առաքման, վերադարձի կանոններ, կոնտակտային տվյալներ հետադարձ կապի համար։

16. Ինտերնետային խանութներից գնումներ կամ այլ վճարումներ կատարելու համար ցանկալի է ունենալ առանձին Քարտ։

17. Քարտի օգտագործման անվտանգությունը բարձրացնելու նպատակով Բանկն իրավասու է միակողմանիորեն փոփոխել Քարտով գործարքների կատարման և/կամ հավաստման կարգը՝ գործարքի կատարման համար որպես պահանջ սահմանելով նույնականացնող ծածկագրերի (մեկանգամյա գաղտնաբառ և այլն) կիրառումը, որոնք կարող են Բանկի կողմից ուղարկվել Քարտապանի բջջային հեռախոսահամարին, էլեկտրոնային հասցեին կամ այլ միջոցներով:

18. Ելնելով անվտանգության նկատառումներից` Բանկն իրավասու է արգելել կամ սահմանափակել առավել ռիսկային երկրներում Քարտի կիրառմամբ գործարքների կատարումը, ինչպես նաև մերժել ցանկացած գործարք, որը Բանկի հայեցողությամբ կարող է համարվել ռիսկային։ Նման դեպքերում Քարտապանը պետք է կապ հաստատի Բանկի հետ։ Եթե Քարտապանը Բանկ ներկայացված գրավոր կամ գրանցված էլեկտրոնային փոստից ուղարկված դիմումի հիման վրա Բանկից ստանում է ռիսկային գործարքների իրականացման թույլտվություն, ապա հետագայում Քարտով կատարված նմանատիպ բոլոր գործարքների գծով պատասխանատվությունը կրում է Քարտապանը։

19. Բանկն իրավունք ունի իր հայեցողությամբ կասեցնել Քարտի միջոցով տրամադրվող ծառայությունները, եթե հիմնավոր կասկածներ ունի Քարտով կատարված գործարք(ներ)ի հավաստիության վերաբերյալ: Ծառայությունների կասեցումը Բանկի կողմից վերացվում է գործարք(ներ)ի հավաստիության վերաբերյալ անհրաժեշտ տեղեկատվությունը կամ բավարար պարզաբանումներ ստանալուց հետո:

20. Եթե Բանկի կողմից նկատվում են քարտով կատարվող կասակածելի գործարք(ներ), կամ Բանկը տիրապետում է հավաստի տեղեկատվության, որ քարտով կատարված գործարք(ներ)ը միանշանակ զեղծարար բնույթի է (են), ապա Բանկն իրավունք ունի առանց հաճախորդին նախապես տեղեկացնելու արգելափակի քարտը։

21․ Արգելվում է Քարտի նույնականացման տվյալները (Ամբողջական Քարտի համարը, գործողության ժամկետ, CVV կոդ, 3D Secure անվտանգության ծածկագիր, PIN ծածկագիր) հայտնել երրորդ անձանց, այդ թվում՝ նաև Բանկի աշխատակիցներին, հեռախոսազանգի, էլեկտրոնային փոստին եկած հաղորդագրության կամ սոցիալական ցանցերով ստացված նամակների միջոցով։ Նման տեղեկատվության արտահոսքի դեպքում Քարտով կատարված գործարքների համար պատասխանատվությունը կրում է Քարտապանը։

22. Ֆինանսական կորուստներից խուսափելու նպատակով՝ Քարտին այլ քարտերից փոխանցում ստանալու դեպքում անհրաժեշտ չէ քարտի համարից զատ տրամադրել այլ տվյալներ (CVV կոդ, վավերականության ժամկետ, 3D Secure անվտանգության ծածկագիր և այլն)։

23. ԱԳՄ-ով կամ առևտրի սպասարկման կետում գործարք իրականացնելիս PIN ծածկագիրը անհրաժեշտ է մուտքագրել՝ այլ անձանց կամ տեղադրված սարքերի համար անտեսանելի եղանակով, ծածկելով այն ձեռքով։

24. Արգելվում է գործադրել ֆիզիկական ուժ Քարտը ավտոմատ գանձման մեքենա տեղադրելիս։ Նման խնդրի դեպքում անհրաժեշտ է հնարավորության դեպքում զգուշացնել ԱԳՄ սպասարկող բանկին և օգտվել այլ ԱԳՄ-ից։

1․ Քարտապանը կարող է միակողմանիորեն դադարեցնել Քարտի գործողությունը և փակել Քարտն ու Քարտային հաշիվը՝ Բանկ ներկայացնելով համապատասխան փակման դիմում և ամբողջությամբ մարելով Քարտի հետ կապված Բանկի նկատմամբ ունեցած պարտավորությունները: Քարտի փակման դիմումը հնարավոր է ընդունել հեռախոսազանգի միջոցով, ինչպես նաև Բանկի համար ընդունելի այլ եղանակներով։

2․ Քարտի գործողությունը վաղաժամկետ դադարելու դեպքում գանձված միջնորդավճարները հետ չեն վերադարձվում:

3․ Քարտի փակումը չի դադարեցնում Քարտի հետ կապված Քարտապանի՝ Բանկի նկատմամբ ձևավորված պարտավորությունները՝ ներառյալ հաշվարկված տոկոսները և տուժանքները: Քարտի փակման դիմում ներկայացնելիս Քարտապանը պարտավորվում է մարել առաջացած պարտավորությունը, այդ թվում՝ նաև դեբիտորական, բացառությամբ այն գործարքների, որոնք տեղի են ունեցել Քարտի ֆիզիկապես օգտագործմամբ՝ Քարտապանի կողմից Քարտը Բանկին վերադարձնելուց հետո:

4․ Քարտի փակման դեպքում (վաղաժամկետ կամ Քարտի գործողության ժամկետի ավարտից հետո) Քարտապանը պետք է Քարտը վերադարձնի Բանկ: Եթե Քարտը փակվել է Բանկի կողմից՝ հեռախոսազանգի, առցանց համակարգերով ներկայացված դիմումի/հաղորդագրության կամ սույն կանոններում նշված այլ հնարավոր եղանակով և ինչ-որ պատճառով Քարտապանը չի կարող վերադարձնել Քարտը, և այն գտնվում է իր մոտ, ապա Քարտապանը պետք է ոչնչացնի Քարտը` կտրելով մասերի մագնիսական երիզի և միկրոպրոցեսորի (չիպի) երկայնքով: Բանկը պատասխանատվությոն չի կրում Քարտը չվերադարձնելու հետևանքով Քարտով իրականացված գործարքների համար: