ՓԼ / ԱՖ դեմ պայքարի միջոցառումներ

ՓԼ/ԱՖ դեմ պայքարի միջոցառումներ

Հայտարարություն

«ԱյԴի Բանկ» ՓԲԸ-ն (այսուհետ `Բանկ) հավատարիմ է փողերի լվացման և ահաբեկչության ֆինանսավորման դեմ պայքարի (այսուհետ` ՓԼ/ԱՖ) ամենաբարձր չափանիշներին:
Բանկը հիմնել է ՓԼ/ԱՖ քաղաքականություն (այսուհետ ` Քաղաքականություն), որի հիմնական նպատակներն են.

  • Կանխարգել բանկի, որպես փողերի լվացման և ահաբեկչության ֆինանսավորման գործիքի օգտագործումը,
  • Բանկի գործարար համբավի և նրա հաճախորդների պաշտպանությունը,
  • Փողերի լվացման և ահաբեկչության ֆինանսավորման հետ կապված հնարավոր ռիսկերի մեղմացումը:

Քաղաքականությունը հիմնված է Հայաստանի Հանրապետության 26.05.2008 թ. «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքի, «Հայաստանի Հանրապետության կենտրոնական բանկի փողերի լվացման և ահաբեկչության ֆինանսավորման կանխարգելման ոլորտում հաշվետու անձանց նկատմամբ նվազագույն պահանջների վերաբերյալ կանոնակարգ», այլ օրենքների ու իրավական ակտերի վրա:
Բանկը նշանակել է ՓԼ/ԱՖ դեմ պայքարի պատասխանատու, ով պատասխանատու է ՓԼ/ԱՖ-ի համապատասխան քաղաքականության և ընթացակարգերի մշակման և իրականացման համար:
ՓԼ/ԱՖ-ի աշխատակիցն իրավունք ունի գործարքը կամ գործարար հարաբերությունները որակել որպես կասկածելի, դադարեցնել կամ մերժել գործարքը կամ գործարար հարաբերությունը, ինչպես նաև որոշում կայացնել ահաբեկչության մեջ ներառված անձանց գույքի սառեցման վերաբերյալ:
Քաղաքականությունը ներառում է, բայց չի սահմանափակվում.

  • Ռիսկի վրա հիմնված մոտեցման կիրառում,  
  • Հաճախորդների ռիսկայնության որոշում ըստ երկրների, աշխարհագրական տարածքների, ապրանքների, ծառայությունների, գործարքների,
  • Հաճախորդների ուսումնասիրություն,
  • Հաճախորդի պատշաճ ուսումնասիրություն, «Ճանաչիր քո հաճախորդին» սկզբունքի կիրառում (ներառյալ շահառուների և լիազորված անձանց նույնականացում),
  • Բարձր ռիսկային հաճախորդների հավելյալ ուսումնասիրություն,
  • Նույնականացման և պատշաճ ուսումնասիրության տվյալների պահպանում,
  • Էմբարգո քաղաքականություն,
  • Գործարքների մոնիտորինգ,
  • Կասկածելի գործարքների բացահայտում,
  • Պարտադիր և կասկածելի գործարքների վերաբերյալ հաշվետվությունների ներկայացնում ՀՀ կենտրոնական բանկին,
  • Աշխատակիցների ՓԼ/ԱՖ վերապատրաստում,
  • Բանկը կեղծ կամ մտացածին անուններով հաշիվներ չի բացում և չի սպասարկում,
  • Բանկը չի բացում հաշիվներ միայն թվային, տառային կամ այլ պայմանական նշաններով արտահայտված,
  • Բանկը չի սպասարկում ըստ ներկայացման արժեթղթեր,
  • Բանկը արգելափակում է գործարքի իրականացումը, երբ հաճախորդը չի տրամադրում անհրաժեշտ փաստաթղթերը, երբ առկա է համընկնություն կամ հավանականություն հաճախորդի` ահաբեկիչների ցանկերում և ահաբեկչական գործունեության մեջ ներգրավված լինելու մասին:

Anti-Money Laundering Questionnaire   Wolsfberg Group Anti-Money Laundering Questionnaire

© 2022 All rights reserved by IDBank
ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ
Էջը թարմացվել է 12.09.2022 11:17
Կայքի նախագծումը և պատրաստումը՝ Новый сайт