Travel Card

Travel card-ը հանդիսանում է Visa վճարային համակարգի քարտ։ Travel card-ը Visa Platinum տեսակի քարտ է։

Travel card-ը թողարկվում է ՀՀ դրամ, ԱՄՆ դոլար և Եվրո արժույթներով։

Travel card-ով կատարված վճարային գործարքների դիմաց տրամադրվում է cashback հետևյալ պայմաններով․
1.5% cashback հետևյալ կետերում կատարված վճարային գործարքների համար՝ հյուրանոց, ավիատոմս, տուրիստական գործակալություններ, ավտովարձույթ, գնացքի տոմսեր (railway)
0.5% cashback այլ վճարային գործարքների համար (cashback չի վճարվում հետևյալ ոլորտների առևտրի և սպասարկման կետերում կատարված գնումների համար՝ հեռահաղորդակցման ծառայություններ, կոմունալ ծառայություններ, էլեկտրոնային փողեր, պետական մարմինների վճարումներ` հարկեր, տուրքեր և այլ վճարներ, բարեգործական հանգանակություններ, խաղադրույքներ, բանկերի և այլ ֆինանսական կազմակերպությունների կողմից մատուցվող այլ ծառայություններ։)
Ամսական cashback-ի առավելագույն գումարն է 10 000 ՀՀ դրամ, որը ենթակա է հարկման
Cashback-ի ստացման համար ամսական վճարային գործարքների նվազագույն հանրագումարն է 50 000 ՀՀ դրամ

Այն նախատեսված է օդանավակայաններում առանձնացված կերպով (priority line/business line) անձնագրերի, իրերի ստուգում, գրանցում անցնելու համար։ Ծառայության հասանելիությունը սահմանվում է Visa վճարային համակարգի կողմից։ Ծառայությունից օգտվելու համար հարկավոր է գրանցվել Telegram-ի VisaConsierge-ում, ընտրել համապատասխան ծառայությունը, լրացնել անհրաժեշտ տվյալները և ստանալ QR կոդով համապատասխան ֆայլը։  

Քարտը ստանալիս կարող եք Telegram հավելվածում ընտրել VisaConsierge-ը, մուտքագրել պահանջվող տեղեկատվությունը և անցնել նույնականացում, որից հետո 24/7 ձևաչափով կարող եք օգտվել կոնսիերժի ողջ հնարավորություններից։

Ծառայության հասանելիությունը սահմանվում է Visa վճարային համակարգի կողմից։ Քարտապանը հնարավորություն ունի տարեկան 2 անգամ անվճար օգտվել 500MB ինտերնետ ռոումինգ փաթեթից։ Ծառայության ակտիվացման կարգին ծանոթանալու և պրոմո կոդը ստանալու համար հարկավոր է գրանցվել Telegram-ի VisaConsierge-ում, ընտրել համապատասխան ծառայությունը և ստանալ անհրաժեշտ տեղեկատվությունը։

Արշավին կարող են մասնակցել ինչպես գործող՝ մինչև 31․05․2023թ-ը ներառյալ թողարկված/գործող Travel քարտ ունեցող քարտատերերը, այնպես էլ 01․06․2023թ-ից մինչև 31․08․2023թ-ը ընկած ժամանակահատվածում նոր Travel քարտ ձեռք բերող քարտատերերը։ Ընդ որում՝ արշավին կարող են մասնակցել միայն տարեկան սպասարկման վճարով պատվիրված հիմնական քարտերը։ Կից քարտերի քարտապանները առանձին չեն մասնակցում արշավին։

Արշավի մասնակցության համար պարտադիր պայման է 01․06․2023թ-ից 31․08․2023թ-ը գրանցվել հետևյալ հղումով:
Արշավի մասնակցության համար պետք է իրականացնել նվազագույնը 800․000 ՀՀ դրամ (համարժեք արտարժույթ) վճարային գործարք։
• Գործող քարտատերերի դեպքում (մինչև 31․05․2023թ-ը գործող Travel քարտ ունեցող քարտատերերը)՝ 01․06․2023թ-ից մինչև 31․08․2023թ-ը ներառյալ
• Նոր քարտատերերի դեպքում (01․06․2023թ-ից մինչև 31․08․2023թ-ը ներառյալ նոր Travel քարտ ձեռք բերող քարտատերերը)` քարտի պատվիրման ամսաթվից 3 օրացույցային ամսվա ընթացքում։

Արշավի շրջանակում վճարային գործարք է համարվում քարտով առևտրի սպասարկման կետերում կատարված վճարումը՝ բացառությամբ հեռահաղորդակցության ծառայությունների, կոմունալ ծառայությունների, էլեկտրոնային փողերի, պետական մարմինների վճարումների (հարկեր, տուրքեր և այլ վճարներ), բարեգործական հանգանակությունների, խաղադրույքների, բանկերի և այլ ֆինանսական կազմակերպությունների կողմից մատուցվող ծառայությունների դիմաց վճարումները։

Վաուչերը երաշխավորված պարգևատրում է արշավի նվազագույն պայմանները կատարելու դեպքում։ Վճարային գործարքները կատարելուց հետո 10 աշխատանքային օրվա ընթացքում Բանկը քարտատիրոջ էլեկտրոնային փոստի հասցեին ուղարկում է էլեկտրոնային վաուչերը։ Վաուչերը հնարավոր է օգտագործել միայն Carpisa խանութների ցանցում՝ ճամպրուկ ձեռք բերելու համար։ Եթե Վաուչերի գումարը ճամպրուկ գնելուց հետո ամբողջությամբ չի ծախսվել, ապա Քարտատերը կարող է մնացորդային գումարն օգտագործել Carpisa խանութների ցանցից այլ գնում կատարելու նպատակով, ընդ որում՝ Վաուչերի մնացորդային գումարը հնարավոր է ծախսել ճամպրուկի գնումը կատարելու պահին։ Վաուչերի մնացորդային գումարը հնարավոր չէ օգտագործել ճամպրուկի գնման պահից հետո։
Վաուչերի արժեքը 60 000 ՀՀ դրամ է։ Վաուչերի առկայությամբ քարտատերերը կստանան Carpisa խանութների ցանցից 20% զեղչ ցանկացած ճամպրուկի ձեռք բերման համար։ Ընդ որում՝ չկա որևէ սահմանափակում 20% զեղչի ստացման գծով, հետևաբար քարտատերը կարող է ձեռք բերել իր ցանկացած ճամպրուկը՝ անկախ չափից, գնից, քանակից և տեսակից։ 20% զեղչը տարածվում է միայն ճամպրուկների տեսականու վրա: Քարտատիրոջ կողմից Վաուչերի մնացորդային գումարն այլ գնում կատարելու դեպքում ճամպրուկների համար նախատեսված 20% զեղչը չի գործելու՝ փոխարենը կգործի տվյալ պահին Carpisa խանութ սրահում գործող փաստացի գինը։ 20% զեղչը չի գումարվում Carpisa խանութ սրահի կողմից ճամպրուկների համար հայտարարված զեղչին։ Զեղչված ճամպրուկների դեպքում քարտատերերի համար գործելու է Վաուչերով սահմանված 20% զեղչը կամ Carpisa խանութ սրահում գործող փաստացի գինը։
Վաուչերով գնում կատարելու համար Carpisa խանութների ցանցում հարկավոր է ցուցադրել Վաուչերը խանութ-սրահի աշխատակցին։ Վաուչերի օգտագործման վերջնաժամկետը 15․12․2023թ-ն է։

Արշավին մասնակցելու համար Travel քարտերից յուրաքանչյուրի համար առանձին իրականացվում է հաշվարկ՝ նույն տրամաբանությամբ։ Այսինքն` քարտերից յուրաքանչյուրով առանձին պետք է իրականացվեն արշավի մասնակցության համար սահմանված նվազագույն չափով վճարային գործարքներ, և յուրաքանչյուր քարտի համար առանձին պետք է գրանցվել հղումով։

Արշավին մասնակցելու համար հարկավոր է գրանցվել հղումով։ Հղումով գրանցվելիս հարկավոր է լրացնել քարտատիրոջ անուն ազգանունը, էլ․ հասցեն, հեռախոսահամարը և Travel քարտի վերջին 4 թվերը։ Ընդ որում՝ Քարտատերը էլ․ հասցե և հեռախոսահամար դաշտերում պետք է լրացնի Բանկում գրանցված տվյալները։ Սխալ լրացված տեղեկատվության դեպքում Բանկի կողմից գրանցումը չի ընդունվի։