Գործարկվել է IDBanking 24/7 շուրջօրյա սպասարկման հերթական գոտին

Հասրաթյան 4 հասցեում գործարկվել է IDBanking 24/7 շուրջօրյա սպասարկման հերթական համակարգը, որից օգտվելով՝ Բանկի հաճախորդները շաբաթվա բոլոր օրերին, օրվա ցանկացած ժամին կարող են բանկային գործարքներ կատարել․ կանխիկի մուտքագրում/ելքագրում, վարկերի մարում, տարբեր հաշիվների համալրում, կոմունալ վճարումների կատարում և 200+ այլ ծառայություններ։

IDBanking 24/7-ը հնարավորություն է տալիս առանց հերթերի, հաճախորդին հարմար պահին լուծել ֆինանսական խնդիրներն ու խնայել ժամանակն ու նյարդերը։

IDBanking 24/7 համակարգերը գործում են IDBank-ի գլխամասային գրասենյակին հարակից տարածքում, Բաղրամյան մասնաճյուղում և արդեն նաև՝ Հասրաթյան 4 հասցեում։ Առաջիկայում Բանկը նախատեսում է ընդլայնել 24/7 սպասարկման գոտիների և համակարգերի ցանցը՝ քաղաքացիներին հասանելի դարձնելու ծառայությունների առավել լայն շրջանակ։

IDBank-ի ռազմավարական հիմնական նպատակներից մեկը նոր տեխնոլոգիաների և նորարարական պրոդուկտների ներդրումն է, որոնք  թույլ կտան հաճախորդներին արագ և հարմարավետ  պայմաններում օգտվել բանկային ծառայություններից: