Վերավարկավորում

Տարեկան փաստացի տոկոսադրույք

սկսած 14.38%-ից

Տոկոսադրույքի տեսակը

Հաստատուն տոկոսադրույք առաջին 24 ամիսների համար, և լողացող տոկոսադրույք 25-ից սկսած

Վարկի առավելագույն գումար

Հաճախորդի գործող վարկի պայմանագրային գումար +առավելագույն 30% լրացուցիչ գումար

Վարկի առավելագույն ժամկետ

Հաճախորդի գործող վարկի պայմանագրային ժամկետ + 30% լրացուցիչ ժամկետ

Տրամադրվող վարկի նվազագույն ժամկետը չպետք է պակաս լինի 36 ամսից և առավելագույն ժամկետը չի կարող գերազանցել 132 ամիսը

Վարկառուների թիրախային խումբ

1․Այլ բանկերում/վարկային կազմակերպություններում անշարժ կամ շարժական գույքի գրավով գործող նվազագույնը 12 ամիս սպասարկված գործող պարտավորության/պարտավորությունների տեղափոխում՝ գումարի ավելացման հնարավորությամբ,

2․ Վարկավորում այն հաճախորդների, ովքեր այլ բանկերում/վարկային կազմակերպություններում ունեցել են նվազագույնը 12 ամիս սպասարկված անշարժ գույքի գրավով վարկ, որի վերջնական մարումը տեղի է ունեցել դիմելու պահին նախորդող 6 ամիսների ընթացքում։

3․ Վարկավորում այն հաճախորդների, ովքեր Բանկում ունեցել են նվազագույնը 12 ամիս սպասարկված անշարժ գույքի գրավով վարկ, որի վերջնական մարումը տեղի է ունեցել դիմելու պահին նախորդող 6 ամիսների ընթացքում։

Վերը նշված կետերով սահմանված դեպքերում՝

ա) վերավարկավորումը հնարավոր է իրականացնել վարկառուի հետ փոխկապակցված անձանց անունով: Սույն պայմաններով փոխկապակցված անձ է համարվում վարկառուի հայրը, մայրը, երեխան, ամուսինը, քույրը, եղբայրը։ Ընդ որում, Բանկի կողմից կարող է պահանջվել բարեկամական կապը հավաստող փաստաթուղթ (ամուսնության վկայական, ծննդյան վկայական և այլն),

բ) որպես "նվազագույնը 12 ամիս սպասարկված վարկ" կարող է դիտարկվել նաև տարբեր բանկերում/վարկային կազմակերպություններում վարկի սպասարկման ժամկետների հանրագումարը,

գ) տեղափոխվող վարկերի դեպքում` վարկի հաստատման որոշման կայացումից հետո առավելագույնը 30 օրվա ընթացքում Հաճախորդը տեղափոխվող վարկը կարող է մարել սեփական միջոցներով և տեղափոխել առանց հաջորդող գրավի։

Այլ պահանջներ

- Վարկառուների թիրախային խմբի 1․ կետով սահմանված դեպքերում` վարկի դիմումի ներկայացմանը նախորդող վերջին 24 ամիսների ընթացքում Հաճախորդի վարկերի ժամկետանց օրերի հանրագումարը չպետք է գերազանցի 50 օրը, իսկ տեղափոխվող վարկ(եր)ի գծով՝ հանրագումարային 10 օրը,

- Վարկառուների թիրախային խմբի 2․ և 3. կետերով սահմանված դեպքերում` անշարժ գույքի գրավով մարված վարկի գծով ժամկետանց օրերի հանրագումարը վարկի սպասարկման վերջին 24 ամիսների դեպքում չպետք է գերազանցի 20 օրը,

- դիմելու պահին նախորդող վերջին 3 ամիսների ընթացքում տեղափոխվող վարկերը պետք է դասակարգված լինեն «Ստանդարտ» դասով

Հայտի ուսումնասիրության վճար

չի սահմանվում

Վարկի տրամադրման միանվագ միջնորդավճար

չի սահմանվում

Վարկի ամսական սպասարկման վճար

չի սահմանվում

Գրավադրման համար իրականացվող ծախսեր

4,000,001 և ավել ՀՀ դրամի վարկերի դեպքում գրավադրման համար Բանկի կողմից իրականացվող ծախսերն են․

- Գրավի առարկայի գնահատման վճար (գնահատում անհրաժեշտ չի իրականացնել, եթե տվյալ գույքն արդեն գրավադրված է Բանկում և գնահատվել է դիմումի ներկայացմանը նախորդող 12 ամիսների ընթացքում, իսկ այլ բանկերում/վարկային կազմակերպություններում գրավադրված լինելու դեպքում` նախորդող 6 ամիսների ընթացքում, Բանկի հետ համագործակցող գնահատող ընկերությունների կողմից),

- ՀՀ կառավարությանն առընթեր անշարժ գույքի կադաստրի պետական կոմիտեի կողմից տրամադրվող միասնական տեղեկանքի համար սահմանված վճար*,

- Գրավի առարկա հանդիսացող անշարժ գույքի նոտարական վավերացման վճար,

- Գրավի պայմանագրից ծագող Բանկի իրավունքի պետական իրավասու մարմնում գրանցման վճար*։

*ՀՀ կառավարությանն առընթեր անշարժ գույքի կադաստրի պետական կոմիտեի կողմից տրամադրվող միասնական տեղեկանքի և գրավի պայմանագրից ծագող Բանկի իրավունքի պետական իրավասու մարմնում գրանցման վճարները Բանկում գործող ARPIS ծրագրի միջոցով ձևակերպման դեպքում տեղեկանքի տրամադրման վճար չի գանձվում։

Ծախսերը Բանկի կողմից իրականացվելու դեպքում, եթե վարկառուն վարկն ամբողջությամբ վաղաժամկետ մարում է տեղափոխմանը հաջորդող 24 ամիսների ընթացքում, ապա վարկառուն փոխհատուցում է սույն կետում նշված Բանկի կողմից կատարված ծախսերը։

Վերավարկավորման մնացած պայմանները

Համաձայն «Սպառողական վարկի» տեղեկատվական ամփոփագրի