Ակցիայի շրջանակներում հունիսի 21-ից մինչև հոկտեմբերի 15-ը ներառյալ Անելիք Բանկի ՝ Maestro/Cirrus, MasterCard Standart, MasterCard Gold, Visa Gold Hotel Express միջազգային պլաստիկ քարտերը կտրամադրվեն նվազեցված արտոնյալ սակագներով, իսկ այդ քարտերով առավել մեծ ծավալի գործարքներ կատարած 5 հաճախորդներ կպարգևատրվեն ոսկու ձուլակտորներով (1-ին տեղ զբաղեցրած հաճախորդին կտրամադրվի 10 գրամանոց ձուլակտոր, 2-րդ տեղ զբաղեցրած հաճախորդին կտրամադրվի 5 գրամանոց ձուլակտոր, իսկ 3-ից 5-րդ տեղերը զբաղեցրած հաճախորդներին կտրամադրվեն 1 գրամանոց երկուական ոսկու ձուլակտորներ)։
«Ամառային ակցիա» -ի շրջանակներում Բանկի բոլոր քարտապանները վճարային քարտերով «Մեգամոլ»ՍՊԸ-ի (www.megamall.am) պաշտոնական կայքից անկանխիկ գնումների դեպքում կստանան 3% զեղչ, ինչպես նաև հնարավորություն կունենան 31-91 օր ժամանակահատվածով Բանկի պահատեղերի վարձակալության համար օգտվել զեղչված սակագներից։
«Անելիք Բանկն ուրախ է պարբերաբար անակնկալներ մատուցել իր հաճախորդներին՝ ամրապնդելով բանկ-հաճախորդ կապը: Ակցիան հնարավորություն է ընձեռում ամառային արձակուրդներին ընդառաջ մեր հաճախորդներին մատչելի սակագներով ձեռք բերել ինչպես միջազգային վճարային համակարգի պլաստիկ քարտեր, այնպես էլ` օգտվել զեղչերից անկանխիկ գնումներ կատարելիս»,- նշել է մանրածախ բիզնեսի գծով տնօրեն- վարչության նախագահի տեղակալ Վարդան Գևորգյանը։