Բանկի պատժամիջոցների քաղաքականություն և ՓԼ/ԱՖ դեմ պայքարի միջոցառումներ

                                                                    Հայտարարություն

                                                                              Բանկի պատժամիջոցների քաղաքականություն

«ԱյԴի Բանկ» ՓԲԸ-ն (այսուհետ՝ Բանկ), հավատարիմ լինելով իր առաքելությանը, պահպանելով ամենաբարձր էթիկական և կարգավորող չափանիշները՝ պատասխանատու գործունեություն է իրականացնում և երաշխավորում է, որ ո՛չ Բանկը, ո՛չ էլ Բանկի  ծառայությունները ուղղակիորեն կամ անուղղակիորեն չեն օժանդակում կիրառելի միջազգային պատժամիջոցների և/կամ սահմանափակումների խախտմանը/շրջանցմանը։

Լինելով միջազգային ֆինանսական համակարգի պատասխանատու մասնակից, միևնույն ժամանակ առավել բարձր գնահատելով և պաշտպանելով հաճախորդների շահերը, անվտանգությունը և նրանց գործունեության անընդատությունը՝  Բանկը հետևում է  ՄԱԿ-ի անվտանգության խորհրդի, Եվրոպական Միության, Միացյալ Թագավորության, Միացյալ Նահանգների և այլ միջազգային պատժամիջոցներին և/կամ սահմանափակումներին։

Պատժամիջոցների քաղաքականությունը  արգելում է հաճախորդների ցանկացած գործունեություն, որը  կխախտի կիրառելի պատժամիջոցները և/կամ սահմանափակումները։ Նման գործողությունների արդյունքում կմերժվեն փոխանցումների/գործարքների իրականացումը,  ինչպես նաև բանկը կարող է հրաժարվել այդ հաճախորդներին սպասարկելուց։                                                                  

                                                                                        ՓԼ/ԱՖ դեմ պայքարի քաղաքականություն

    Քաղաքականությունը հիմնված է Հայաստանի Հանրապետության «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքի, «Հայաստանի Հանրապետության կենտրոնական բանկի փողերի լվացման և ահաբեկչության ֆինանսավորման կանխարգելման ոլորտում հաշվետու անձանց նկատմամբ նվազագույն պահանջների վերաբերյալ կանոնակարգի», այլ օրենքների ու իրավական ակտերի վրա, որի հիմնական նպատակներն են.

• Կանխարգելել Բանկը՝ որպես փողերի լվացման և ահաբեկչության ֆինանսավորման գործիքի օգտագործումը,
  
• Փողերի լվացման և ահաբեկչության ֆինանսավորման հետ կապված հնարավոր ռիսկերի զսպումը,
• Բանկի գործարար համբավի և նրա հաճախորդների պաշտպանությունը։

Քաղաքականությունը ներառում է.

• «Ճանաչիր քո հաճախորդին» սկզբունքի կիրառում (ներառյալ շահառուների և լիազորված անձանց նույնականացում),
• Հաճախորդի պատշաճ ուսումնասիրություն,
• Հաճախորդների հավելյալ պատշաճ ուսումնասիրություն,
• Մոնիթորինգի իրականացում օրական կտրվածքով,
• Հաճախորդների տվյալների թարմացում,
• Ռիսկի վրա հիմնված մոտեցման կիրառում,  
• Կասկածելի գործարքների բացահայտում,
• Պարտադիր և կասկածելի գործարքների/գործարար հարաբերությունների վերաբերյալ հաշվետվությունների ներկայացնում ՀՀ կենտրոնական բանկին,
• Ուսուցումների կազմակերպում։

 Ինչպես նաև՝

• Բանկը չի բացում և չի սպասարկում կեղծ կամ մտացածին անուններով հաշիվներ,
• Բանկը չի բացում միայն թվային, տառային կամ այլ պայմանական նշաններով արտահայտված հաշիվներ,
• Բանկը չի սպասարկում ըստ ներկայացնողի արժեթղթեր,
• Բանկը մերժում է գործարար հարաբերությունների հաստատումը /գործարքի իրականացումը երբ հաճախորդը չի տրամադրում Բանկի կողմից պահանջված փաստաթղթերը/տեղեկությունը,

Արգելվում է կատարել գործարքներ կամ հաստատել գործարար հարաբերություններ, որոնք առնչվում են՝

• ատոմային էներգիայի,
• «Կարմիր լապտեր» բիզնես գործունեության,
  
• մարիխուանայի,
  
• վիրտուալ արժույթների հետ։