Սիրելի՛ հաճախորդներ,
Ուրախ ենք հայտարարել, որ թարմացնելով Idram&IDBank հավելվածը, Ձեր IDBank-ի քարտերով կատարված գործարքների վերաբերյալ ծանուցումները հնարավորություն կունենաք ստանալ ոչ միայն SMS-ի միջոցով, այլ նաև Push ծանուցմամբ՝ անմիջապես Idram&IDBank հավելվածում։
Դուք ազատ եք ընտրելու ծանուցման տեսակը, այսինքն՝ կարող եք ստանալ միայն Push կամ միայն SMS ծանուցումներ, կամ երկուսը միաժամանակ։ Ընդ որում Push և SMS ծանուցումների համար նվազագույն սահմանաչափը կարող է տարբեր լինել։
Push ծանուցումները կարող եք ստանալ լիովին անվճար նվազագույնը 500 ՀՀ դրամի (100 RUB/1 USD/1 EUR) չափով գործարքների համար, որը կարող եք փոխել ցանկացած պահի՝ ըստ անհրաժեշտության։
Միևնույն ժամանակ Դուք հնարավորություն կունենաք փոխել գործարքների նվազագույն սահմանաչափը նաև SMS-ով ծանուցման համար․ սկսած մարտի 17-ից ծառայությունը հասանելի կլինի նվազագույնը 500 ՀՀ դրամի (100 RUB/1 USD/1 EUR) չափով գործարքների համար, իսկ մեկ SMS-ի համար կսահմանվի 15 ՀՀ դրամ սակագին։
Նշենք, որ գործարքների տեխնոլոգիական մաս կազմող տեղեկությունները (3DS OTP, քարտի ակտիվացում, PIN-ի փոփոխություն և այլն), Դուք կշարունակեք ստանալ ARCA-ից SMS հաղորդագրությունների միջոցով՝ անվճար։
Push և SMS ծանուցումները ակտիվացնելու կամ ապաակտիվացնելու, ծանուցման տեսակն ու նվազագույն սահմանաչափն ընտրելու համար անհրաժեշտ է մուտք գործել Idram&IDBank հավելվածի «Ավելին» բաժին, «Ծանուցումներ» ենթաբաժնից ընտրել «IDBank-ի ծանուցումներ»-ը և կատարել համապատասխան կարգավորումները։
Կարգավորումների յուրաքանչյուր փոփոխությունից հետո IDBank-ում գրանցված Ձեր էլեկտրոնային փոստի հասցեին կստանաք ծանուցում կատարված փոփոխությունների մասին։
Եթե դեռ չեք օգտվում Idram&IDBank հավելվածից, ապա կարող եք ներբեռնել այն այստեղ։