Արթուր Ջավադյանը ծնվել է 22.04.1964թ․։
1986թ. ավարտել է Հայկական գյուղատնտեսական ինստիտուտի մեքենայացման ֆակուլտետը, ապա՝ 1989 թվականին՝ «Հայգյուղմեքենայացում» ԳԱՄ ասպիրանտուրան։
1989-1991 թվականներին աշխատել է «Երևան» բանկում՝ տարբեր ղեկավար պաշտոններում, իսկ 1991-2000 թվականների ընթացքում՝ «Հայինվեստ» բանկում։
1997-2020 թվականների ընթացքում ՀՀ Կենտրոնական Բանկում զբաղեցրել է Խորհրդի անդամի, ՀՀ ԿԲ նախագահի խորհրդականի, նախագահի տեղակալի, ապա՝ նախագահի պաշտոնները։
Որպես ԿԲ նախագահ 2008-2020 թվականների ընթացքում հանդիսացել է «Ազգային հիփոթեքային ընկերություն» ՈւՎԿ, «Բնակարան երիտասարդներին» ՈւՎԿ, «ԱՔՌԱ» վարկային բյուրոյի, «ԱրՔա» համակարգի, «Հայինկասացիա» ՓԲԸ խորհրդի նախագահ, Հայաստանի ֆոնդային բորսայի խորհրդի անդամ։
2020 թվականից նա հատուկ հանձնարարություններով ՀՀ դեսպան է։