IDBank-ը հուլիսի 1-ին իրականացրել է 4-րդ թողարկման արժեկտրոնային պարտատոմսերի մարում և արժեկտրոնային եկամուտների վճարում՝ սեփականատերերի ռեեստրում գրանցված իրավաբանական և ֆիզիկական անձանց բանկային հաշիվներին անկանխիկ փոխանցումների միջոցով: Բանկի 4-րդ թողարկման պարտատոմսերի թողարկման ծավալը 5մլն ԱՄՆ դոլար էր, ժամկետայնությունը՝ 24 ամիս,տոկոսադրույքը` 5.75%։ Արժեկտրոնների վճարումը կատարվում էր կիսամյակային պարբերականությամբ։ Հիշեցնենք, որ IDBank-ը պարտատոմսերի 4-րդ տրանշը թողարկել էր 2017 թ․-ին, որից հետո իրականացրել է անվանական արժեկտրոնային դոլարային պարտատոմսերի ևս 3 տրանշի թողարկում։ IDBank-ը շարունակելու է պահպանել շուկայում առաջատար դիրքերը և հաճախորդներին առաջարկելու է պարտատոմսերի նոր տրանշեր։