Մեծ խաղը նոր է սկսվում

Հայաստանի ֆուտբոլի ֆեդերացիան և IDBank-ը համագործակցության պայմանագիր են ստորագրել․ արդյունքում՝ Հայաստանի թվային բանկինգի առաջատար  IDBank-ը կազմակերպության գլխավոր հովանավորն է։
 
Կարևորելով համագործակցությունը` ՀՖՖ նախագահ Արմեն Մելիքբեկյանը շեշտեց, որ այսպիսի գործընկերների աջակցությամբ է զարգանալու հայկական ֆուտբոլը․ «Մենք կարևորում ենք Հայաստանի առաջատար թվային բանկի աջակցությունը հայկական ֆուտբոլի համար կարևորագույն այս շրջանում։ Համոզված եմ՝ համագործակցությունը շարունակական և փոխշահավետ կլինի կողմերի համար»։

IDBank-ի Վարչության նախագահ Մհեր Աբրահամյանն իր հերթին ընդգծեց․  «Հայաստանի ֆուտբոլի ֆեդերացիան վերջին տարիների ընթացքում մեծածավալ գործունեություն է իրականացնում ֆուտբոլային ենթակառուցվածքների, մանկապատանեկան և մասսայական ֆուտբոլի զարգացման ուղղությամբ։ Այստեղ մեր տեսլականները համընկնում են․ IDBank-ը կարևորում է առողջ ապրելակերպը, Հայաստանում սպորտի զարգացումն ու երեխաների շրջանում սպորտաձևի մասսայականացումը։ Վստահ եմ՝ մեր համագործակցությամբ էլ ավելի ենք նպաստելու հայկական ֆուտբոլի զարգացմանը, իսկ մեր ազգային հավաքականին մաղթում եմ միայն հաղթանակներ»։ 

 ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ

© 2023 All rights reserved by IDBank
ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ
Էջը թարմացվել է 13.03.2023 03:38
Կայքի նախագծումը և պատրաստումը՝ Новый сайт